სებ-ი ადამიანური რესურსების მართვის და განვითარების განყოფილების უფროსმაც დატოვა

საქართველოს ეროვნული ბანკი ადამიანური რესურსების მართვის და განვითარების განყოფილების უფროსმა, გვანცა ცქიტიშვილმაც დატოვა. აღნიშნულ ინფორმაციას bm.ge ავრცელებს.

გადაწყვეტილების შესახებ ცქიტიშვილმა სოციალურ ქსელშიც დაწერა.

"როცა არსებობს მხოლოდ ერთი გადაწყვეტილება",- წერს გვანცა ცქიტიშვილი.

შეგახსენებთ, 20 სექტემბერს ეროვნული ბანკი სამმა ვიცე-პრეზიდენტმა - პაპუნა ლეჟავამ, არჩილ მესტვირიშვილმა და ნიკოლოზ გაგუამ დატოვეს. თანამდებობა დატოვა ასევე საქართველოს ეროვნული ბანკის პრეზიდენტის მრჩეველმა, გიორგი ბაქრაძემაც. აღნიშნული გადაწყვეტილება კი, სებ-ის პრეზიდენტის მოვალეობის შემსრულებლის, ნათია თურნავას მიერ 19 სექტემბერს მიღებულ გადაწყვეტილებას მოჰყვა, რომლის მიხედვითაც, სანქციათა რეჟიმების შესრულების წესში ცვლილება შევიდა.